اسلام آباد (این این آئی) سابق وزیر داخلہ رحمن ملک نے حکومت سے کرونا وائرس پر ہیلتھ ایمرجنسی نافذ کرنے کا مطالبہ کرتے ہوئے کہا ہے کہ وفاقی حکومت کرونا وائرس کیخلاف نیشنل ایکشن پلان بنائے، پی ایس ایل میچز منسوخ،تعلیمی ادارے بند کیے جائیں،10 افراد کے ایک ساتھ اکھٹے ہونے پر پابندی لگائی جائے۔

جمعرات کو میڈیا سے بات چیت کرتے ہوئے سابق وزیر دادخلہ رحمن ملک نے حکومت سے کرونا وائرس پر ہیلتھ ایمرجنسی نافذ کرنے کا مطالبہ کیا اور کہاکہ وفاقی حکومت کرونا وائرس کیخلاف نیشنل ایکشن پلان بنائے۔رحمان ملک نے کہاکہ کرونا وائرس قومی سلامتی کا مسئلہ بن گیاہے،وزیر اعظم عمران خان کرونا وائرس کیلئے 5 ارب روپے فنڈز مختص کریں۔رحمان ملک نے کہاکہ پی ایس ایل میچز منسوخ،تعلیمی ادارے بند کیے جائیں،10 افراد کے ایک ساتھ اکھٹے ہونے پر پابندی لگائی جائے۔ انہوںنے کہاکہ 10 لاکھ سے اوپر میڈیکل سٹاف صرف 5 ہزار کٹس ہیں۔انہوںنے کہاکہ کٹس کی کمی سے میڈیکل سٹاف متاثر ہونے کا خدشہ ہے،وزارتِ صحت وفاقی سطح پر اور صوبائی حکومتیں کرونا وائرس کے خلاف کام کر رہے ہیں۔ انہوںنے کہاکہ 16 اور 17 مارچ کو سائنس نمائش کا اہتمام کیا جا رہا ہے،نمائش کا مقصد سائنس اور دورِ جدید کے تقاضوں سے آگاہی ہے۔ انہوںنے کہاکہ نمائش کا اہتمام پاک چائنا فرینڈشپ سینٹر میں کیا جائے گا۔ انہوںنے کہاکہ او آئی سی سیکرٹری جنرل کے نمائندہ خصوصی یوسف الدوبے نے آزاد کشمیر ایل او سی اور پاکستان کا دورہ کیا،انہوں نے کھل کر کہا ہے کہ او آئی سی جموں و کشمیر کو ترجیح دیتا ہے۔ انہوںنے کہاکہ او سی آئی کے کشمیر پر کردار کے حوالے سے کوئی مبالغہ نہیں ہونا چاہیے۔

موضوعات:پی ایس ایل میچز منسوخ،تعلیمی ادارے بند کیے جائیں رحمن ملک