پشاور(این این آئی) اقلیتی برادری کوہاٹ کے عوامی نیشنل پارٹی اورجمعیت علمائے اسلام سے متعدد افراد مستعفی ہوکر پاکستان تحریک انصاف کے رہنما ملک صابر صدیق کی قیادت میں شمولیت اختیار کرنے والے افراد کو مشیر سائنس وانفارمیشن ٹیکنالوجی ضیاء اللہ بنگش نے پی ٹی آئی کی ٹوپیاں پہنائیں اورانہیں پارٹی میں خوش آمدید کہا۔ ضیاء اللہ بنگش نے خطاب کرتے ہوئے کہا کہ دیگر پارٹیوں سے لوگوں کامستعفی ہوکر پی ٹی آئی میں شمولیت اس بات کی عکاسی
کرتا ہے کہ وہ پی ٹی آئی کی پالیسیوں سے مطمئن ہیں اوروہ اسی پارٹی کو خالصتاً عوام کی پارٹی سمجھ کرجوق درجوق شمولیت اختیار کررہے ہیں۔ پی ٹی آئی حکومت عوام کی امنگوں پرپورا اترنے کی بھرپوکوشش کررہی ہے اور عوام کو ریلیف دینے کیلئے بھرپور وسائل بروئے کار لارہی ہے۔ اس موقع پر پیپلز پارٹی سے ریاض حسرت،جے یو آئی سے مون حنان، اے این پی سے یعقوب ویلیم اورسمسون روشن پی ٹی آئی میں شامل ہوگئے۔
