اسلام آباد (این این آئی)وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہاہے کہ مریم نواز صاحبہ آپ کونسی زنجیروں میں جکڑی ہوئی ہیں؟ زنجیریں توڑ کر اپنی آزادی کا اعلان کیوں نہیں کرتیں؟ صاف چھپتے بھی نہیں سامنے آتے بھی نہیں۔ جمعرات کو ٹوئٹر پر اپنے بیان میں انہوںنے کہاکہ ضمانت ملنے کے باوجود ایسی کیا زنجیر ہے جس نے آپ کو جکڑا ہوا ہے؟ ڈاکٹر فردوس عاشق اعوان نے کہاکہ زنجیریں توڑ کر اپنی آزادی کا اعلان کیوں نہیں کرتیں؟ صاف چھپتے بھی نہیں سامنے آتے بھی نہیں ۔انہوں نے کہاکہ ایک بار

پھر میڈیا میں آپ کی رونمائی صرف ذاتی درد کیلئے ہے۔ ڈاکٹر فردوس عاشق اعوان نے کہاکہ وزیر اعظم عمران خان قوم کو آپ کے دیے ہوئے دکھوں اور دردوں کا مداوا بڑے احسن انداز سے کر رہے ہیں۔ ڈاکٹر فردوس عاشق اعوان نے کہاکہ پاکستان کے عوام کو اب آپ مزید گمراہ نہیں کر سکتے۔ ڈاکٹر فردوس عاشق اعوان نے کہاکہ عوام جانتے ہیں کہ جب بھی لیگی قیادت اقتدار سے محروم ہوئی ، انہوں نے پاکستان رہنا پسند نہیں کیا۔ انہوں نے کہاکہ آپ نے سویئلینز اور عوام سے زیادہ اپنے سوٹ کیسوں سے وفا کی جنہیں آپ ہمیشہ ساتھ لے گئے۔