ہارون آباد (این این آئی )امریکہ افغان امن معاہدہ سابق جنرل ضیاء الحق شہید کی پالیسی کا دوسرا پہلو ہے ۔سربراہ پاکستان مسلم لیگ ضیائو سابق وفاقی وزیر محمد اعجازالحق نے قطر میں ہونیوالے افغان مجاہدین اور امریکہ کے امن معاہدہ کو خوش آئندہ قرار دیتے ہوئے کہا ہے کہ یہ معاہدہ سابق جنرل ضیاء الحق شہید کی پالیسی کا دوسرا پہلو ہے، ان خیالات کااظہار بھاولپور جاتے ہوئے

مختصر قیام کے دوران اپنے میڈیا ایڈوائزر معروف صحافی و کالم نگار اینکر پرسن ڈاہر نوالہ کے آفس میں ان سے خصوصی گفتگو میں کیا، انہوں نے کہا کہ افغان مجاہدین نے آزادی اور خود مختاری کیلئے چار دہائیوں سے پرچم بلند رکھا، افغانی نہ تو برطانیہ اور نہ ہی روس اور اب امریکہ کو بھی ناک وچنے چبا کر اپنی آزادی اور خود مختاری کو برقرار رکھا، آج افغان مجاہدین شہید ضیاء الحق کی افغان پالیسی کو بھی خراج تحسین پیش کررہے ہیں کہ شہید ضیائالحق نے جس طرح روس کو گرم پانیوں تک پہنچنے سے روکے رکھا، اس معاہدہ کے بعد مجاہدین کو مشکل اور خود مختار فیصلے کرنے کیلئے بہت محنت کرنا ہوگی، اب دنیا کو سمجھ لینا چاہیے کہ کسی بھی ملک خاص طور پر افغانستان پر غیر ملکی تسلط کبھی قائم نہیں رکھ سکتا، انہوں نے مزید کہا کہ ضیائالحق شہید افغانیوں کی مدد نہ کرتے تو وہ آج روس ان پر مسلط ہوتا۔انہوں نے مزید کہا کہ کچھ طاقتیں اس معاہدہ کو سبوتاژ کرنا چاہتیں ھیں مگر ان کے ہاتھ کچھ نہیں آئے گا۔‎