اسلام آباد(آن لائن) سول ایوی ایشن نے میرٹ کی دھجیاں اڑاتے ہوئے65لوگوں کو فارغ کرکے سیاسی بنیادوں پر سفارشی بھرتی کر لیے۔ تفصیلات کے مطابق سول ایوی ایشن کے ساتھ المدینہ کمپنی کا اسلام آباد انٹرنشنل ایئرپورٹ کا ٹھیکہ تھا، المدینہ کمپنی کے80لوگ پچھلے ایک سال سے بطور لوڈر اپنی ڈیوٹی سرانجام دے رہے تھے۔

سول ایوی ایشن نے ٹیسٹ انٹریو کیلئے اشتہار جاری کیا جس میں عمر، تجربہ اور تعلیم کی کوئی شرط نہیں رکھی گئی،634لوگوں نے ٹیسٹ انٹریو کیلئے اپلائی کیا، میرٹ لسٹ آنے کے بعد المدینہ کمپنی کے80میں سے50لوگ میرٹ لسٹ پر آئے، ان لوگوں کو بیک جنبش قلم فارغ کر دیا گیا اور ان کی جگہ سیاسی بنیادوں پر سفارشی بھرتی کرلئے گئے ۔ نوکری سے فارغ ہونے والے لوگوں کا کہنا تھا کہ ہم ایک سال سے یہاں کام کر رہے تھے اب حکومت نے ہمیں نارمل میزانیہ پر لانا تھا ہمیں کہا گیا کہ آپ لوگ ٹیسٹ انٹریو میں شامل ہوں آپ لوگوں کاپہلا حق ہے اس کے بعد دوسرے لوگ آئینگے ۔ فائنل نتائج آنے پر میرٹ پر آنے کے باوجود ہمیں فارغ کر دیا گیا۔ اس حوالے سے جب ’’ آن لائن‘‘ نے موقف جانے کی کوشش کی تو سول وی ایشن میں پی آر او کا کہنا تھا کہ ہمیں کچھ معلوم نہیں یہ سب ہیڈکوارٹر سے بنتا ہے ہے جو لوگ فارغ ہوئے اگر وہ میرٹ پر ہیں تو اپنا کیس لے کر کورٹ چلے جائیں وہاں سے اپنا فیصلہ لے آئیں ۔