کراچی (آن لائن)فیڈرل بی ایریامیں پاک سرزمین پارٹی ٹاؤن آفس پرنامعلوم افراد کا حملہ، توڑپھوڑ،دیواروں پرایم کیو ایم کی وال چاکنگ کردی گئی،علاقے میں سخت کشیدگی،خوف وہراس۔ تفصیلات کے مطابق فیڈرل بی ایریاکے علاقے میں واقع پاک سرزمین پارٹی کے گلبرگ ٹائون آفس میں اتوار اورپیر کی درمیانی شب تقریبی پروگرام ختم ہونے کے بعدنامعلوم افرادکی جانب سے PSPکے ٹائون آفس پردھاوابول کرتوڑپھوڑشروع کردی گئی،جبکہ اسی دوران شرپسندعناصرنے دیواروں پرپہلے سے تحریرپی ایس پی کی وال چاکنگ پر
اسپرے کردیا، اور فرار ہوگئے،واقع کی اطلاع ملتے ہی پی ایس پی کے زمہ داران وکارکنوں سمیت پولیس کی بھاری نفری موقع پرپہنچ گئی ،جبکہ پی ایس پی گلبرگ ٹائون کے ممبریوسف عظیم کاکہناہے ایم کیو ایم پہلے سے ہمارے کارکنوں کودھمکیاں دے رہے تھے اوررات کو پروگرام ختم ہونے کے ہمارے جاتے ہی دفتر پر حملہ کرکے توڑپھوڑکرنے کے بعددیواروں اورپی ایس پی وال چاکنگ پر ایم کیو ایم کی وال چاکنگ کی گئی،جس کی جتنی مذمت کی جائے وہ کم ہے ،پولیس کاکہناہے کہ واقعے کے حوالے سے تحقیقات کی جارہی ہے۔
