لاہور(این این آئی )پاکستان مسلم لیگ ن لاہور کے صدر محمد پرویز ملک اور جنرل سیکرٹری خواجہ عمران نذیر نے کہا ہے کہ،سلیکٹڈ حکمرانوں کی الٹی گنتی شروع ہوچکی، 2020ء کا سال نااہل حکومت کاآخری سال ہوگا،مسلم لیگ (ن) نے ملک میں خواتین کی عزت و وقار اور ان کے حقوق کے تحفظ و فروغ کے لیے مثالی کردار ادا کیا ہے،

خواتین نے ملکی تعمیر و ترقی میں تاریخی اور قابل فخر کردار ادا کیا ہے، مسلم لیگ (ن) نے خواتین کو با اختیار بنانے کیلئے اپنے دور حکومت میں قانون سازی کی۔ ان خیالات کا اظہار انہوں نے گذشتہ روز اپنے انتخابی حلقوں میں کارکنوں سے گفتگو کرتے ہوئے کیا۔انہوںنے کہاکہ (ن) لیگ کی حکومت نے تحفظ حقوق نسواں اور عورت کا وراثت میں حق جیسے بل منظور کیے۔ خواتین کو معاشی طور پر بااختیار بنانے کے لئے روزگار اور آسان قرضوں کی فراہمی کے منصوبے بھی شروع کئے ۔ انہوں نے مزید کہا کہ ،ریاست مدینہ کے حکمران عمران نیازی بڑی باتیں کرکے قوم کو ٹرک کی بتی کے پیچھے لگا دیتے ہیں، کہتے رہے قوم گھبرانا نہیں ،انہوں نے کہا کہ جب بل جلاتے رہے تواس وقت پیٹرول سستا تھاانہوں نے کہا کہ آٹا چینی مہنگا ہو گیا بتائو کب گھبرائیں ،پھرنیازی کہنے لگے سکون زندگی میں نہیں سکون قبر میں ہے یوتھیوں کو نیا راستہ دکھا دیائے۔ اب قوم کو لبرل ازم کی طرف دھکیلنے کی کوشش کی جا رہی ہے۔