فیصل آباد(آن لائن ) غربت اورگھریلو حالات سے دلبرداشتہ نوجوان نے پھندا اور دوسرے نے تیزاب پی کر زندگی کا خاتمہ کر لیا جبکہ چار خواتین سمیت 5 افراد کا زہریلی گولیاں کھا کر خودکشی کی کوشش، متاثرہ افراد کو تشویشناک حالت میں ہسپتال منتقل کر دیا گیا۔
آن لائن کوبتایاگیا ہے کہ 253 ر۔ب نئی آبادی کے رہائشی 43 سالہ ساجد ولد اسماعیل کافی دنوں سے پریشان رہتا تھا اور گزشتہ روز گھر والوں کو سیر کا کہہ کر گھر سے گیا اور دوسرے مکان میں جا کر گلے میں پھندا ڈال کر پنکھے سے جھول گیا۔ اہل خانہ نے تلاش کرنے پر گھر پہنچے تو چھت سے نعش لٹک رہی تھی جبکہ دوسرا واقعہ میں گھریلو حالات سے دلبرداشتہ 26 سالہ سلیمان ولد ظفر نے تیزاب پی لیا جسے تشویشناک حالت میں ہسپتال لایا گیا لیکن وہ جانبر نہ ہو سکا۔ علاوہ ازیں گھریلو پریشانیوں سمیت دیگر وجوہات کی بناء پر شاہ کوٹ کی رہائشی 50 سالہ شبانہ زوجہ زاہد، جھنگ روڈ کی 27 سالہ مہناز زوجہ اصغر، چنیوٹ کی 30 سالہ نجمہ زوجہ آصف، چنیوٹ کی 34 سالہ شاہدہ زوجہ اصغر اور بولیدی جھگی کے 24 سالہ شاہ زیب نے زہریلی گولیاں کھا لیں، اہل خانہ نے تشویشناک حالت میں ہسپتال لایا گیا جہاں پر ڈاکٹر متاثرہ افراد کی جانیں بچانے کے لیے کوشاں ہیں۔
