ڈیرہ اسماعیل خان(این این آئی)تھانہ کینٹ کی حدود الکرم سٹی میں بچوں کی لڑائی میں بڑے کود پڑے، مسلح ملزم نے چاقو کے وار سے 16سالہ نوجوان کو قتل کردیا، کینٹ پولیس نے مقتول نوجوان کے بھائی کی رپورٹ پر مقدمہ درج کرلیا۔ تفصیلات کے مطابق تھانہ کینٹ کی حدود الکرم سٹی میں بچوں کی لڑائی کے بعد جمشید گل وزیر ولد گل سلام وزیر سکنہ جنوبی وزیرستان
نے چاقو کے وار سے 16سالہ عتیق اللہ وزیر ولد سردار خان سکنہ جنوبی وزیرستان حال الکرم سٹی درابن چونگی کو شدید زخمی کردیا جسے ہسپتال لے جایا جارہا تھا کہ وہ وہ زخموں کی تاب نہ لاتے ہوئے راستے میں ہی دم توڑ گیا۔ کینٹ پولیس نے مقتول کے بھائی راقیب اللہ وزیر کی رپورٹ پر ملزم جمشید وزیر کیخلاف مقدمہ درج کرلیا۔
