حکومت مولانا فضل الرحماںپر آرٹیکل6 لگا کر گرفتار کرے پھر بات فضل الرحمان نہیں بہت دور تک جائیگی ،عمران خان کو خبر دار کردیا گیا

  پیر‬‮ 17 فروری‬‮ 2020  |  13:53

عبدالحکیم (این این آئی) جمعیت علمائے اسلام ( ف) کے مرکزی رہنما حافظ حمداللہ نے کہا کہ حکومت مولانا فضل الرحمن پر آرٹیکل چھ لگا کر گرفتار کرے پھر بات فضل الرحمن نہیں بہت دور تک جائے گی ،حکومتی وزراء تو یہ بھی کہتے تھے کہ اسلام آباد میں دھرنا نہیں ہونے دیں گے اور وزیر اعلیٰ سرحد محمود خان کہتے تھے کہ میں ان جتھوں کو پشاور سے نہیں نکلنے دونگا ،پھر پوری دنیا نے دیکھا کہ ہم نے اسلام آباد میں پرامن دھرنا دیا ۔ انہوں نے کہا کہ جمعیت علمائے اسلام پرامن اور مہذب جماعت ہے، حافظ حمداللہ


نے کہا کہ ہمیں چھیڑا گیا تو حالات کے ذمہ دار حکومت اور اسکے نااہل وزراء ہونگے ،آزادی مارچ کے لاکھوں افراد کے مجمع نے ابتک ناجائز حکومت کی نیندیں حرام کررکھی ہیں، ہمارے آزادی مارچ کی کامیابی اور حقیقی اپوزیشن کا اقرار تو شیخ رشید احمد خود کرچکے ہیں، آزادی مارچ تو ایک ٹریلر تھا اب ہمارے کارکنوں کا سیلاب ان سیلیکٹڈ حکمرانوں کو بہا کر لے جائے گا ۔


موضوعات: