نوشہروفیروز(مانیٹرنگ ڈیسک) نوشہرو فیروز میں قتل ہونے والی پیپلزپارٹی کی رکن سندھ اسمبلی شہناز انصاری کے قتل میں ملوث مرکزی ملزم کی بہن سمیت 10 افراد کو گرفتار کرلیا گیا ہے۔پولیس کے مطابق مزید ملزمان کو پکڑنے کیلئے ٹیمیں تشکیل دیدی گئی ہیں۔ مرکزی ملزم وقار کھوکھر کی بہن بھی گرفتار کیے جانے والوں میں شامل ہے۔ دیگر شریک ملزمان کی
گرفتاری کیلئے چھاپوں کا سلسلہ جاری ہے۔واضح رہے کہ نوشہرو فیروز کے علاقے دریا خان مری میں پیپلزپارٹی کی رکن سندھ اسمبلی شہناز انصاری کو 3 گولیاں ماری گئیں۔پولیس کے مطابق شہناز انصاری بہنوئی کے چہلم میں گئی تھیں۔ ان کی بہن کا اپنے دیور سے زمین کے تنازعے پر جھگڑا چل رہا تھا۔ شہناز انصاری کو بہن کے دیور کے بیٹے وقار نے فائرنگ کرکے قتل کردیا۔
