اسلام آباد (این این آئی) اقوام متحدہ کے سیکرٹری جنرل انتونیو گونتریس نے اسلام آباد میں پلاسٹک بیگ پر پابندی کے فیصلے کا خیرمقدم کرتے ہوئے کہاہے کہ ہمیں 2030 کو. مدنظر رکھ کر فیصلے کرنا ہوں گے،پاکستان اور بھارت کے درمیان ایک آبی معاہدہ موجود ہے،اس میں عالمی بنک ضامن ہے،پانی کو ایک ہتھیار نہیں،امن کا ضامن ہونا چاہیے۔ اتوار کو تقریب سے خطاب کرتے ہوئے اقوام متحدہ کے سیکرٹری جنرل انتونیو گونتریس نے اسلام آباد میں پلاسٹک بیگ پر پابندی کے فیصلے کا خیرمقدم کرتے ہوئے کہاکہ
ہمیں 2030 کو. مدنظر رکھ کر فیصلے کرنا ہوں گے۔ انہوں نے کہاکہ میں وزیر اعظم عمران خان کی جانب سے اقوام متحدہ کی جنرل اسمبلی خطاب میں موسمیاتی تبدیلیوں کو اجاگر کرنے پر تہنیت پیش کرتا ہوں۔ انہوں نے کہاکہ پاکستان اور بھارت کے درمیان ایک آبی معاہدہ موجود ہے،اس میں عالمی بنک ضامن ہے،ہما را بھی ایک ایسا ہی معاہدہ اسپین کے ساتھ ہے۔ انہوں نے کہاکہ پانی کو ایک ہتھیار نہیں بلکہ امن کا ضامن ہونا چاہیے۔ اقوام متحدہ کے سیکرٹری جنرل انتونیو گوتریس نے افغان مہاجرین کے لیے پاکستانی اقدامات کو قابل تعریف قرار دے دیا۔ اتوار کو پاکستان کے تین روزہ دورے پر آئے اقوام متحدہ کے سیکرٹری جنرل انتونیو گوتریس نے اسلام آباد میں افغانستان، تاجکستان اور یمن کے مہاجرین سے ملاقات کی۔اس موقع پر اقوام متحدہ کے سیکرٹری جنرل نے کہا کہ پاکستان نے افغان جنگ سے متاثر 45 لاکھ پناہ گزینوں کو پناہ دی، ان کی میزبانی کیلئے بہترین انتظامات کیے، افغان پناہ گزینوں کی میزبانی پر پاکستان کا شکر گزار ہوں۔انہوں نے کہا کہ اس وقت پاکستان میں 27 لاکھ افغان پناہ گزیں قیام پذیر ہیں، پاکستان کی اس فراخ دلی کو سراہنے کیلئے دورہ کر رہا ہوں۔ادھر افغان مہاجرین کے وفد نے بھی مہاجرین کے لیے پاکستان کے انتظامات کو سراہتے ہوئے کہا کہ پاکستان عظیم قوم ہے جس نے ہماری میزبانی کی۔ اقوام متحدہ کے سیکرٹری جنرل انتونیو گوتریس نے کہا ہے کہ مقبوضہ کشمیر میں انسانی حقوق کا ہرصورت احترام کیا جانا چاہیے۔تقریب سے خطاب کرتیہوئے انہوں نے کہا کہ مقبوضہ کشمیر میں انسانی حقوق کا ہرصورت احترام کیا جانا چاہیے، نہ صرف کشمیر بلکہ پوری دنیا میں انسانیت کا احترام کیا جانا چاہیے، انسانی حقوق کمشنر کی دو رپورٹس میں کشمیر میں انسانی حقوق کی صورتحال کی مکمل عکاسی ہے۔
