اسلام آباد (این این آئی)رومانیہ میں تیارکردہ 2300 ٹن وزنی بحری جہاز پی این ایس یرموک نے پاک بحریہ میں شمولیت اختیار کرلی۔ ترجمان پاک بحریہ کے مطابق پی این ایس یرموک کی کمشننگ تقریب رومانیہ میں منعقد ہوئی۔ وائس چیف آف نیول اسٹاف وائس ایڈمرل محمد فیاض جیلانی نے بطور مہمان خصوصی تقریب میں شرکت کی ۔ ترجمان کے مطابق پی این ایس یرموک جدید آلات اور ٹیکنالوجی س

ے لیس ہے جو مختلف اقسام کے میری ٹائم آپریشنز سرانجام دینے کی صلاحیت رکھتا ہے۔ ترجمان پاک بحریہ نے کہاکہ اس طرز کا دوسرا جہاز پی این ایس تبوک رواں سال کے وسط تک پاک بحریہ میں شامل ہوگا۔ ترجمان پاک بحریہ  کے مطابق وائس چیف آف نیول اسٹاف نے کہاکہ پاکستانی بحری بیڑے میں اس جہاز کی شمولیت سے سمندری امور کے تحفظ کیلئے پاک بحریہ کی صلاحیتوں میں مزید اضافہ ہوگا۔ مہمان خصوصی نے ریکارڈ مدت میں اس جہاز کی تیاری پر ڈامن شپ یارڈ کے تعاون اور پیشہ وارانہ صلاحیتوں کی تعریف کی۔ ترجمان پاک بحریہ  کے مطابق تقریب میں پاکستانی حکام کے علاوہ رومانین بحریہ کے اعلی افسران، دوست ممالک کے سفارتکاروں اور ڈامن شپ یارڈ کی انتظامیہ نے بھی شرکت کی۔ ‎

موضوعات:پاک بحریہ