سیالکوٹ (نیوز ڈیسک) ماڈل تھانہ سمبڑیال کے علاقہ میں نوکری سے فارغ کئے جانے والے میونسپل کمیٹی کے ملازم کی خود کشی کی کوشش، گولی مار کر زخمی کر لیا۔ ہسپتال منتقل کر دیا گیا۔منڈی سمبڑیال میں نائب قاصد رانا عثمان کو متعلقہ افسران نے ملازمت سے فارغ کر دیا تھا اور غربت
سے تنگ اس کی بیوی بچوں کو لے کر میکے چلی گئی تھی جس کی ناراضگی اور ملازمت سے فارغ کئے جانے کی وجہ سے دلبرداشتہ رانا عثمان نے زندگی ختم کرنے کیلئے خود کو سر میں گولی مار لی جسے تشویشناک حالت میں سیالکوٹ سول ہسپتال سے لاہور ہسپتال ریفر کردیا گیا۔
