اسلام آباد (این این آئی) سپریم کورٹ نے حکومت کو انٹرنیٹ کمپنیوں سے فیڈرل ایکسائز ڈیوٹی وصول کرنے سے روک دیا ہفتہ کو جاری فیصلے میں سپریم کورٹ نے حکم دیاکہ انٹرنیٹ سروسز ایف ای ڈی سے مستثیٰ ہیں۔عدالت نے نجی کمپنی سے ٹیکس وصولی کیلئے دائر ایف بی آر کی اپیل خارج کر دی عدالت نے کہاکہ وٹس ایپ، سکائپ اور دیگر سروسز ٹیلی کمیونیکیشن کے زمرے میں نہیں آتیں، وٹس ایپ اور دیگر کمپنیاں صارفین سے کوئی وصولی نہیں کرتیں۔ فیصلہ کے مطابق انٹرنیٹ صارف
کی مرضی ہے وہ براؤزنگ کرے یا آڈیو ویڈیو کالز۔ عدالت نے کہاکہ انٹرنیٹ کالز پر ٹیلی کمیونیکیشن سروس کی مد میں ٹیکس نہیں لیا جا سکتا، انٹرنیٹ کمپنیاں صرف سروس چارجز لیتی ہیں وٹس ایپ و دیگر کال کے چارجز نہیں۔ عدالت نے کہاکہ انٹرنیٹ کمپنیاں اضافی وصولی نہیں کرتیں تو ٹیکس کیسے لیا جا سکتا ہے؟۔ یاد رہے کہ نجی کمپنی نے ٹیکس نوٹس اپیلیں ٹربیونل میں چیلنج کیا تھا،ٹربیونل نے ٹیکس وصولی سے روکا جس کیخلاف ایف بی آر نے عدالت سے رجوع کیا تھا۔
