لاہور(این این آئی) آئی جی جیل خانہ جات پنجاب مرزا شاہد سلیم بیگ نے رضا کار تنظیم وائلنٹیر گروپ کے اراکین سے ملاقات کی۔وفد کے سربراہ معظم علی شاہ ایڈووکیٹ نے بتایا کہ یہ تنظیم جیلوں،ہسپتالوں اور ان جیسے دوسرے اداروں میں فلاحی کاموں میں مصروف عمل ہے۔اجلاس میں پنجاب بھر کی جیلوں میں سزابھگتنے والے قیدیوں کو ہنرمند اورخودکفیل
بنانے کافیصلہ کیا گیا۔جیلوں میں قید مردوخواتین کو جہاں ہنر سکھایاجائے گا، وہاں ان کی تیار کردہ اشیا کوملک بھر میں منعقد ہونے والی اشیا کونمائش میں پیش کیاجائیگا۔ان اشیا کی فروخت سے ہونے والی آمدن قیدیوں کے اکاؤنٹ میں جمع کیا جائے گا۔آئی جی جیل خانہ جات پنجاب نے کہا کہ اس منصوبے پر جلد عمل درآمد کیاجائے گا۔
