اسلام آباد (نیوز ڈیسک)وفاقی وزیر برائے مذہبی امور پیرنورالحق قادری نے سرکاری عمارت کی دو منزلیں اپنے کاروباری شراکت دار کو نیلام کر دیں، وزارت مذہبی امور کے دفتر کی بلڈنگ جو رمنا جی سکس میں ہے، اس عمارت میں موجود دفتروں کو کوئی پیشگی نوٹس وغیرہ بھی نہیں دیے گئے، میڈیا ذرائع کے مطابق پہلے اس عمارت میں وزارت مذہبی امور کا دفتر ہوا کرتا تھا، اس عمارت کی نیلامی کے لئے بولی لگائی گئی، بولی صرف دو منزلوں کی
لگائی گئی، بولی کا عمل دو دفعہ ہوا اور دونوں بار ہی وفاقی وزیر کے قریبی کاروباری ساتھی نعمان خان اس میں کامیاب ہوئے۔ اس طرح دو عمارت کی دو منزلیں نعمان خان کو نیلام کر دی گئیں۔ واضح رہے کہ وفاقی وزیر نے بولی کے عمل میں اپنے کاروباری دوست کی شرکت پر لاعلمی ظاہر کی ہے اور کہا کہ وہ میرے کاروباری شراکت دار ہیں، نعمان خان یہاں اپنی کاروباری شاخ بنانا چاتے تھے۔ نعمان خان امپورٹ ایکسپورٹ کے کاروبار سے منسلک ہیں۔
