جمعرات‬‮ ، 03 اپریل‬‮ 2025 

کشمیر میں بھارتی مظالم اقوام متحدہ کے منہ پر طمانچہ ہے، ہندوستان کے جو قدم قتل کی طرف بڑھ رہے ہیں انہیں روکا جائے، پاکستان نے اقوام متحدہ کے سامنے مطالبہ رکھ دیا

datetime 5  فروری‬‮  2020
ہمارا واٹس ایپ چینل جوائن کریں

اسلام آباد (این این آئی)پاکستان نے مسئلہ کشمیر سے متعلق یادداشت اقوام متحدہ مبصر مشن کے حوالے کر دی۔بدھ کو یہاں وزیراعظم عمران خان کی معاون خصوصی برائے اطلاعات فردوس عاشق اعوان نے اقوام متحدہ مبصرین کو مسئلہ کشمیر سے متعلق یادداشت پیش کی جس میں مطالبہ کیا گیا ہے کہ فوری طور پر بھارت اپنی فوج کو کشمیر سے نکالے۔یادداشت میں کہا گیا کہ اقوام متحدہ مقبوضہ کشمیر میں انسانی حقوق کی پامالیوں کے حوالے سے اپنا کردار ادا کرے اور ہندوستان کے جو قدم قتل کی طرف بڑھ رہے ہیں انہیں روکا جائے۔

یادداشت کے مطابق مسئلہ کشمیر اقوام متحدہ کے ایجنڈے پر دیرینہ حل طلب مسئلہ ہے، اس کا پْرامن حل اقوام متحدہ کی بنیادی ذمہ داری ہے۔پاکستان کی جانب سے واضح کیا گیا ہے کہ مقبوضہ کشمیر میں چھ ماہ سے بدترین لاک ڈاؤن جاری ہے جس کی آڑ میں کشمیریوں کی نسل کشی جاری ہے اور یہ بھارتی مظالم اقوام متحدہ کے منہ پر طمانچہ ہیں۔یادداشت میں اقوام متحدہ سے کہا گیا کہ وہ اپنا اہم کردار ادا کرتے ہوئے کشمیر میں لاک ڈاؤن، مظالم کے خاتمے کے لیے بھارت پر دباؤ ڈالے اور مسئلہ کشمیر پر اپنی قراردادوں پر عملدرآمد یقینی بنائے۔یادداشت میں بتایا گیا کہ مسئلہ کشمیر کے حل میں تاخیر عالمی امن کے لیے خطرہ بن سکتا ہے، دنیا کے امن کے لیے ضروری ہے کہ مسئلہ کشمیر حل ہو۔قبل ازیں کشمیری بہن بھائیوں سے اظہار یکجہتی کیلئے ریلی کا انعقاد کیا گیا جس میں خواتین ارکان پارلیمنٹ اور مختلف شعبہ سے تعلق رکھنے والی خواتین نے شرکت کی۔ریلی سے خطاب کرتے ہوئے وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ مقبوضہ کشمیر میں بنیادی انسانی حقوق کا قتل عام ہو رہا ہے اور مظلوم کشمیری عوام مدد کیلئے پاکستانی بہن بھائیوں کی طرف دیکھ رہے ہیں۔معاون خصوصی کا کہنا تھا کہ وزیراعظم عمران خان نے دنیا بھر میں مسئلہ کشمیر انتہائی دلیرانہ انداز میں اجاگر کیا،پاکستانی قیادت اور عوام کشمیریوں کے زخم کو اپنے جسم پر محسوس کرتے ہیں،ہم اپنی آزادی اور وطن کے دفاع کیلئے خون کے آخری قطرے تک لڑیں گے۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



جنرل عاصم منیر کی ہارڈ سٹیٹ


میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…

تیسری عالمی جنگ تیار

سرونٹ آف دی پیپل کا پہلا سیزن 2015ء میں یوکرائن…