فیصل آباد (آن لائن)ڈولفن فورس کے انچارج اور ماتحت کی ایک دوسرے کو غلیظ گالیوں کا تبادلہ کی وڈیو سامنے آگئی۔ ایس ایس پی آپریشن نے دونوں ملازمین کو معطل کر دیا۔ آن لائن کے مطابق محکمہ پولیس کو شہریوں سے حسن سلوک روا رکھنے کی اصلاحات پر عملدرآمد کی بجائے خود پولیس ملازمین ایک دوسرے کو گالیاں دینے لگے۔ گزشتہ روز ڈولفن ورس کے انچارج عبدالوہاب نے ڈیوٹی پر
تاخیر سے پہنچنے پر اپنے ماتحت اہلکار ٹیم کو غلیظ گالیوں کی بوچھاڑ کر دی اور شہریوں کے سامنے انچارج ڈولفن فورس اور اہلکار ایک دوسرے کو غلیظ گالیاں دینے لگے۔ شہری نے ان کی وڈیو بناکر سوشل میڈیا پر وائرل کر دی جس پر انچارج ڈولفن فورس نے اعلیٰ حکام کو ماتحت کی شکایت کی تو وڈیو وائرل ہونے پر ایس ایس پی آپریشن سید علی رضا نے دونوں اہلکاروں کو معطل کرکے انکوائری شروع کر دی۔
