غبارے میں ہوا بھرنے والا سلنڈردھماکے سے پھٹ گیا، ایک بچی جاں بحق، انتہائی افسوسناک واقعہ

نارنگ منڈی (این این آئی)نواحی گاؤں کالا خطائی میں غبارے میں ہوا بھرنے والا سلنڈر دھماکے سے پھٹ گیا جس کے باعث چار سالہ بچی جاں بحق اور ایک بچی اور غبارے بیچنے والا زخمی ہو گئے۔بتایا گیا ہے کہ ایک شخص سائیکل پر سلنڈر رکھ کر غباروں میں ہوا بھر کر فروخت کر رہا تھا کہ خستہ حال سلنڈر زور دار دھماکے سے پھٹ گیا جس کے باعث غبارہ خریدنے کیلئے کھڑی محمد یاسین کی چار سالہ بچی موقع پر جاں بحق ہو گئی جبکہ ایک بچی اور غبارے بیچنے زخمی ہو گیا۔ لاش اور زخمیوں کو ہسپتال منتقل کر

دیا جہاں غبارے بیچنے والی حالت نازک بتائی جاتی ہے۔