کراچی(این این آئی)شہریوں کے لیے پولیس دستیاب ہو یا نہ ہو، سوشل میڈیا ایپ ٹک ٹاک کے لیے پولیس موبائل حاضر ہے۔کراچی پولیس کی موبائل استعمال کرتے ہوئے ایک اور نوجوان کی ٹک ٹاک ویڈیو سامنے آگئی ہے۔ٹک ٹاک پر نوجوان کی پولیس موبائل میں ویڈیو سوشل میڈیا پر وائرل ہو گئی ہے

جس میں نوجوان ایکشن مارتے ہوئے پولیس موبائل سے اترتا دکھائی دے رہا ہے جبکہ بیک گرائونڈ میں ایک گانا بھی سنائی دے رہا ہے۔ٹک ٹاک ویڈیوز میں نوجوان کے پاس سندھ پولیس کی موبائل اور ساتھ میں پولیس اہلکار بھی نظر آ رہے ہیں۔اس سے قبل ایس ایچ او میٹھادر شبانہ جیلانی کی پولیس موبائل میں ماڈل علینہ نے ٹک ٹاک ویڈیو بنائی تھی۔ایس پی سٹی نے اس واقعے پر خاتون افسر شبانہ جیلانی کو عہدے سے ہٹا دیا تھا۔‎