لاہور سے پاکستان کا ’’دل ‘‘ہونے کا اعزاز چھن گیا جانتے ہیں اب کون سا شہر پاکستان کا دل کہلائے گا؟

  ہفتہ‬‮ 18 جنوری‬‮ 2020  |  15:44

اسلام آباد(مانیٹرنگ ڈیسک)وفاقی وزیر برائے منصوبہ بندی اسد عمر کا کہنا ہے کہ میں نہیں مانتا کہ لاہور پاکستان کا دل ہے۔ کراچی میرے دل کے زیادہ قریب ہے اور میں نہیں مانتا کہ لاہور پاکستان کا دل ہے،انہوں نے کہا کہ کراچی پاکستان کا دل بھی ہے اور دماغ بھی،دل جسم کا سب سے اہم حصہ ہوتا ہے جو کہ سارے جسم کے لئے کام کرتا ہے، اسی طرح کراچی ملک کا سب سے بڑا شہر ہے اور پاکستان کا دل بھی یہی ملک ہی ہے۔ اسد عمر کا کہنا تھا کہ وزیراعظم عمران خان مجھے بار بار کہتے ہیں


کہ کراچی کے لئے کچھ کرنا ہے اور انشااللہ اسی مثبت سوچ کے ساتھ ہم کراچی کو تبدیل کریں گے۔تقریب سے خطاب کرتے ہوئے وفاقی وزیر نے خوشخبری سنائی کہ پاکستان معیشت بہتری کی طرف جا رہی ہے، پاکستان اسٹاک مارکیٹ میں رواں سال اور آنے والے سال میں ریکارڈ بہتری آئے گی جس سے ملکی معیشت کو بڑے پیمانے پر فائدہ ہو گا۔ پاکستان بہت جلد ایک طاقتور ملک بن کر ابھرے گا ۔

موضوعات: