لاہور(مانیٹرنگ ڈیسک) متحدہ نان روٹی ایسوسی ایشن نے حکومت سے روٹی اور نان کی قیمتوں میں اضافے کا مطالبہ کر دیا ہے۔ نان روٹی ایسوسی ایشن کی جانب سے سادہ روٹی 10 روپے اور نان کی قیمت 15 روپے مقرر کرنے کا فیصلہ کر لیا گیا ہے۔ ایسوسی ایشن نے حکومت کو پانچ روز کی ڈیڈ لائن دے دی ہے اور کہنا ہے کہ آٹے کی 84 کلو کی بوری 5 ہزار روپےتک پہنچ چکی ہے۔ ایسوسی ایشن کی جانب سے کہا گیا کہ حکومت نے اگر مسئلہ حل نہ کیا تو پنجاب میں ہڑتال کا اعلان کر دیں گے۔

نان روٹی ایسوسی ایشن نے اعلان کیا ہے کہ پانچ دن بعد روٹی کی قیمت 10 روپے جبکہ نان کی قیمت15 روپے کرد ی جائے گی۔ اس طرح مہنگائی سے پریشان حال عوام پر مہنگائی کا مزید بوجھ پڑ جائے گا۔