اسلام آباد(مانیٹرنگ ڈیسک) ماڈل ٹاوٴن میں نامعلوم افراد کی فائرنگ ،ن لیگی رہنما عابد سندھوجاں بحق ۔نجی ٹی وی کے مطابق گوجرانوالہ کے علاقے ماڈل ٹاوٴن میں فائرنگ کا واقعہ پیش آیا۔جس کے نتیجے میں لیگی رہنما عابد سندھو جاں بحق ہو گئے ہیں۔فائرنگ کے واقعے کے بعد پولیس موقع پر پہنچ گئی اور لاش کو تحویل میں لے کر ہسپتال منتقل کر دیا گیا۔پولیس نے موقف اختیارکیا ہے کہ فائرنگ کرنے والا شخص فرار ہو گیا ہے۔ پولیس نے ملزم کی گرفتاری کے لئے اہلکاروں کو الرٹ جاری کر دیا ہے، پولیس نے موقف اختیار کیا ہے کہ قتل
کے حوالے سے کچھ کہنا قبل از وقت ہو گا ، تحقیقات کے بعد ہی معلومات شیئر کی جائیں گی۔ لیگی رہنما کے قتل کے بعد ان کے عزیز و اقارب سمیت دوستوں کی جانب سے اظہار تعزیت اور دکھ کا اظہار کیاگیا ہے ۔
