لاہور(این این آئی)محکمہ اینٹی کرپشن پنجاب نے سال 2019کی کارکردگی رپورٹ جاری کردی،گزشتہ سال 100 ارب 74کروڑ 37لاکھ 10ہزار روپے کی تاریخی ریکوری کی گئی۔ اینٹی کرپشن نے ایک سال میں ایک ارب 56 کروڑ 71لاکھ 70ہزار روپے کی ڈائریکٹ، 2ارب 44کروڑ 90لاکھ 60ہزار روپے کی انڈریکٹ اور96ارب72کروڑ74لاکھ 80ہزار روپے کی لینڈ ریکوری کی۔ گزشتہ ایک سال کے دوران اینٹی کرپشن پنجاب

کو 22940 شکایات موصول ہوئیں جن میں سے سابقہ شکایات سمیت 21950 شکایات کو حل کیا گیا۔اینٹی کرپشن نے ایک سال میں 5238انکوائریاں لگائیں اور 4828جاری انکوائریوں پر فیصلہ دیا،مکمل چھان بین کے بعد 1340 کیس کئے گئے جبکہ 1518جاری کیسز کا فیصلہ ہوا۔ اینٹی کرپشن نے 869چالان پیش کیے 254 ریڈ کے اور1597افراد کو گرفتار کیا جس میں 48عدالتی مفرور اور 312اشتہار ی بھی شامل ہیں۔

موضوعات:محکمہ اینٹی کرپشن پنجاب