لاہور(این این آئی) وفاقی وزیر سائنس و ٹیکنالوجی فواد چوہدری نے کہا ہے کہ مجھ پرالزام لگانے والے اینکر رائے ثاقب کھرل نے معافی مانگ لی ہے، صحافتی بلیک میلرز کیلئے نوجوانوں کو ورغلانا آسان ہوتا ہے۔یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی۔ وفاقی وزیر فواد چوہدری نے کہا کہ جو تکلیف مجھے ان الزامات سے پہنچی وہ اس بیان سے کم نہیں ہوئی۔صحافتی بلیک میلرز کیلئے نوجوانوں کو ورغلانا آسان ہوتا ہے، جو تکلیف ان الزامات سے پہنچی وہ اس بیان
سے کم نہیں ہوئی۔امید ہے آئندہ ایسے الزام سے پہلے سو دفعہ سوچیں گے۔ فواد چوہدری کا مزید کہنا تھا کہ یہ باقی نوجوان صحافیوں کیلئے بھی سبق ہے، دوسروں کی عزت کا تماشہ بنانے کو صحافت نہ سمجھیں۔واضح رہے کہ اینکر رائے ثاقب کھرل نے اپنے ٹوئٹر پیغام میں کہا ہے کہ یہ ایک غلط فہمی تھی اور میں اس بات پر بھروسہ رکھتا ہوں کہ خاندانی اور نجی معاملات کو صحافتی گفتگو کا حصہ نہیں بنایا جانا چاہیے۔ میں فواد چودھری اور دیگر افراد سے معذرت خواہ ہوں۔
جو تکلیف ان الزامات سے پہنچی وہ اس بیان سے کم نہیں ہوئ لیکن صحافتی بلیک میلرز کیلئے نوجوانوں کو درغلانا آسان ہوتا ہے، امید ہے آئندہ ایسا الزام سے پہلے سو دفعہ سوچیں گے۔ یہ باقی نوجوان صحافیوں کیلئے بھی سبق ہے کہ دوسروں کی عزت کا تماشا بنانے کو صحافت نہ سمجھیں۔ #FawadChaudhry https://t.co/LdLk0kJ6Fs
— Ch Fawad Hussain (@fawadchaudhry) January 6, 2020
