لاہور( این این آئی)پولیس نے وزیراعظم عمران خان کے بھانجے کے گھر ڈکیتی کرنے والے تین ڈاکوئوں کو گرفتار کرکے لوٹاہوا سامان بھی برآمد کرلیا ۔ پولیس ذرائع کے حوالے سے بتایا گیاہے کہ پولیس نے وزیراعظم عمران خان کے بھانجے کی اپرمال پررہائشگاہ پر ہونے والی ڈکیتی میں ملوث تین ڈاکوئوں کو چوبیس گھنٹے کے اندر گرفتار کر لیا ہے اور ان سے لوٹاہوا
سامان برآمد کر کے تحقیقات جاری ہیں۔ پولیس کے مطابق جائے وقوعہ سے فنگر پرنٹس ملے تھے جنہیں نادرا اسلام آبادکو بھجوایا گیا اور اس کی رپورٹس آنے سے پہلے ہی پولیس نے ملزمان کو گرفتار کر لیاہے ۔ڈاکوئوںنے واردات کے دوران وزیراعظم کے بھانجے کی اہلیہ کو یر غمال بنا کر نقدی ، طلائی زیورات، ایک پسٹل اور تیس لاکھ روپے کے چیک پر دستخط کرالئے تھے۔
