اسلام آباد(مانیٹرنگ ڈیسک)پیراگون ہاؤسنگ سوسائٹی سے متعلق کیس میں خواجہ برادران احتساب عدالت میں پیش ،نجی ٹی وی کے مطابق احتساب عدالت میں پیراگون ہاؤسنگ سوسائٹی سے متعلق کیس کی سماعت ہوئی،نیب کی ٹیم نے خواجہ برادران کو جوڈیشل ریمانڈ مکمل ہونے پر عدالت میں پیش کردیا،لیگی رہنماسعدرفیق زخمی حالت میں عدالت پیش ہوئے،دوران سماعت سعد رفیق نے کہاکہ رات کوبیرک میں آگ لگنے سے زخمی ہوا،میرا سر
لوہے کے راڈکے ساتھ لگامجھے کچھ نظر نہیں آیا،عدالت نے استفسار کیا کہ جیل حکام نے اسمبلی اجلاس کیلئے پروڈکشن آرڈردیئے ہیں؟خواجہ سعد رفیق نے عدالت سے اسلام آباد میں رکھنے کی استدعا کرتے ہوئے کہا کہ میں ہر اجلاس پر 8 گھنٹوں کا سفر نہیں کرسکتا، جیل حکام روزانہ اجلاس میں مجھے اسلام آباد لےکرجاتے ہیں،اسلام آبادکو سب جیل قرار دےکروہیں رکھا جائے،سعدرفیق نے کہا کہ میں نے حکومت سے بھی اپیل کی ہے فیصلہ اسی نے کرنا ہے۔
