راولپنڈی(نیوز ڈیسک) وفاقی وزیر برائے ہوا بازی غلام سرور خان نے کہاہے کہ پاکستان کا خطے میں ہمیشہ مثبت کر دار رہا ہے،نیب آرڈیننس پر میرے بھی تحفظات تھے، جو ریفرنس عدالت میں جا چکے ہیں،انکاٹرائل ہوگا۔میڈیا سے بات چیت کرتے ہوئے انہوں نے کہاکہ مذہبی جماعتوں کیلئے دعا ہے کہ اللہ انہیں بھی راہ راست پر لائے۔
ایرانی جنرل قاسم سلیمانی کی امریکن حملے کے بعد امریکہ نے پاکستان سے باقاعدہ مدد مانگ لی، وفاقی وزیر نے کہا کہ گزشتہ روز امریکی وزیر خارجہ نے آرمی چیف سے کہا کہ ایران سے بات کریں، غلام سرور خان نے کہا کہ پاکستان کا خطے میں ہمیشہ سے مثبت کردار رہا ہے، انہوں نے کہاکہ امریکن وزیر خارجہ نے آرمی چیف کو فون کیا یہی کہا ہو گا تھوڑا ٹھنڈے ہو جائیں لیکن کسی کو سپورٹ کرنے کے حوالے سے بات نہیں کی ہو گی۔ انہوں نے کہاکہ پاکستان کا اس خطے میں ہمیشہ مثبت کردار رہا ہے،دونوں ہمارے برادر اسلامی ملک ہیں۔ انہوں نے کہاکہ کوئی بل جب اسمبلی میں لایا جاتا ہے کہ ہر ممبر کو یہ حق حاصل ہے کہ وہ اپنی تجاویز سے سکتا ہے۔انہوں نے کہاکہ تمام اسٹینڈنگ کمیٹی میں بھی اپوزیشن کے ارکان موجود ہوتے ہیں۔ انہوں نے کہاکہ یہ بات طے ہو چکی ہے اس پر لمبی بات نہیں کی جائے گی، زیادہ تر باتیں پہلے پی ہو چکی ہے۔ انہوں نے کہاکہ تمام قومی ایشوز پر حکومتیں اور اپوزیشن ایک پیج پر ہوتی ہیں۔ انہوں نے کہاکہ نیب آرڈیننس پر میرے اپنے بھی تحفظات تھے مگر اس کی توسیع تو اپوزیشن بھی کرنا چاہ رہی تھی۔ انہوں نے کہاکہ پیپلزپارٹی اور ن لگ نے پانچ پانچ سال گزارے مگر انہوں نے کوئی فیصلہ نہیں کیا۔ انہوں نے کہاکہ معیشت دباؤکا شکار تھی،شفافیت کا پراسس جاری رہے گا جو ریفرنس عدالت میں جا چکے انکا ٹرائل ہو گا،اینٹی کرپشن ادارہ موجود ہے کام کر رہا ہے۔
