اسلام آباد(آن لائن)پاکستان کے متعدد شہروں میں سورج گرہن دیکھا گیا جو صبح سات بج کر تیس منٹ پر شروع ہوا اور دوپہر ایک بج کر چھ منٹ تک جا ری رہے گا ،رنگ آف فائر کو سعودی عرب، بحرین، قطر، متحدہ عرب امارات، عمان، بھارت، سری لنکا، سماٹرا، سنگاپور اور فلپائن میں بھی دیکھا گیا ۔
پاکستان میں بیس سال بعد مکمل سورج گرہن دیکھا جارہا ہے۔ آخری بار ایسا 11 اگست 1999 کو ہوا تھا جب شام پانچ بج کر 26 منٹ پر کراچی اور ملحقہ علاقوں میں مکمل سورج گرہن ہوا تھا۔سورج گرہن پاکستانی وقت کے مطابق صبح سات بج کر تیس منٹ پر شروع ہوا ۔محکمہ موسمیات نے براہ راست سورج کو دیکھنے سے منع کرتے ہوئے احتیاطی تدابیر اپنانے کا کہا۔ مخصوص چشمے کے استعمال سے سورج گرہن کو دیکھاگیا۔پاکستان میں چھ گھنٹے سورج گرہن رہا،کراچی میں سورج گرہن کا آغاز سات بج کر پینتیس منٹ پر ہوا اور مکمل گرہن آٹھ بجکر سینتیس منٹ پر دیکھا گیا۔ اسلام آباد، لاہور، پشاور اور دیگر حصوں میں بھی سورج گرہن دیکھا گیا ۔محکمہ موسمیات کے مطابق اسلام آباد میں 10 بج کر 15 منٹ تک سورج گرہن کا نظارہ ہوا۔ کراچی میں 10 بج کر 10 منٹ تک اور لاہور میں 10 بج کر 19 منٹ تک سورج گرہن رہا۔کوئٹہ میں سورج گرہن سے روشنی آہستہ آہستہ کم ہونا شروع ہو ئی ۔ سورج گرہن کے باعث چند شہروں میں جزوی اندھیرا چھا گیا۔کراچی کی مساجد میں نماز کسوف کا اہتمام کیا گیا۔ گلشن اقبال بلاک 13 کی مسجد بیت الاسلام میں بھی نماز کسوف ادا کی گئی۔ نماز کے بعد شہریوں نے استغفارکیا اور خصوصی دعائیں مانگی گئیں۔سورج گرہن کے موقع پرکوئٹہ میں مساجد اور گھروں میں خصوصی نوافل ادا کرنے کا بھی خصوصی انتظامات کیے گئے۔ علا وہ ازیں اسلا م آ با د اور راولپنڈی کی مسا جد میں نماز کسوف ادا کی گئی۔
