اسلام آباد (مانیٹرنگ ڈیسک )معروف صحافی عارف حمید بھٹی نے ایک بیا ن میں کہا ہے کہ شہریار آفریدی کو اب استعفیٰ دے دینا چاہیے ۔ یہاں سے سوال انتہائی اہم ہے کہ اگر عدالت کی نظر میں کیس جھوٹا ہے اور رانا ثنا اللہ کو ضمانت دی گئی تو وہ منشیات کہاں گئی ،اسے کس نے رکھا تھا اور اس کے ثبوت کدھر ہیں ؟ ۔ ان کا کہنا تھا کہ شہریار آفریدی نے قسمیں کھا کھا کر سابق وزیرقانون پر منشیات کی برآمدگی کا الزام عائد کیا تو ایسی صورتحال میں انہیں
چاہیے کہ وہ ثبوت پیش کریں جس کی وہ قسمیں کھاتے رہے ہیں ۔ میرے مطابق انہیں اب استعفیٰ دے کر رخصت ہو جانا چاہیے ۔ ملکی سیاست دانوں پر ایسے کیس بنا کر جمہوریت کو نقصان کی دلدل تک پہنچایا جارہا ہے اس وجہ سے ادارے مضبوط ہونے کی بجائے کمزور ہو رہے ہیں ۔ واضح رہے کہ لاہور ہائی کورٹ نے منشیات برآمدگی کیس میں گرفتار مسلم لیگ (ن) کے پنجاب کے صدر رانا ثنا اللہ کی درخواست ضمانت منظور کرتے ہوئے ان کی رہائی کا حکم دے دیا ہے
