اسلام آباد (این این آئی)حکومت نے لیاقت باغ میں شہید بینظیر بھٹو کی برسی کے جلسے اجازت دینے سے انکار کر دیا۔ ایک بیان میں ترجمان بلاول بھٹو زر داری نے کہاکہ حکومت اوچھے ہتھکنڈے استعمال کر رہی ہے، بی بی شہید کی برسی کا جلسہ لیاقت باغ میں ہوگا اور ہر حال میں ہوگا۔مصطفی نواز کھوکھر نے کہاکہ یہ فاشٹ حکومت ہمیں اپنے شہیدوں کی برسی تک منانے نہیں دے رہی ہے،سلیکٹڈ حکومت فاشزم نافذ کر کے بھی عوامی سیاست سے خوفزدہ ہے۔ انہوں نے کہاکہ ہر وہ آواز دبانے کی کوشش کی جا رہی ہے
جو سلیکٹڈ کے خلاف اٹھتی ہے، یہ کیسی جمہوریت ہے جہاں عوام کے حقوق کی بات نہ پارلیمنٹ میں کرنے دی جا رہی ہے نہ باہر۔انہوں نے کہاکہ نیا پاکستان انتہا پسند مودی کے بھارت سے مختلف نہیں ہے۔ترجمان بلاول بھٹو زرداری نے کہاکہ بھارت میں مودی خلاف اٹھنے والی عوامی نفرت سے عمران خان کچھ عبرت حاصل کریں۔ انہوں نے کہاکہ ہم اپنے جہموری، آئینی اور قانونی حقوق سے دستبردار نہیں ہوں گے، بی بی شہید کی برسی کا جلسہ لیاقت باغ میں کرنے کیلئے ہر قانونی راستہ اختیار کریں گے۔
