لاہو ر(این این آئی) مسلم لیگ (ن) پنجاب کی سیکرٹری اطلاعات عظمی بخاری نے کہا ہے کہ عمران نیازی اینڈ کمپنی نیب کی چھتر چھایہ میں حکومتی کشتی چلارہے ہیں،ہر گزرتے دن کے ساتھ نیازی اینڈکمپنی سمندر کے بھنور میں پھنستی جارہی ہے۔ عظمی بخاری نے اپنے ایک بیان میں کہاکہ شریف خاندان پر تمام ریلو کٹے ملکر بھی ایک پیسے کی کرپشن ثابت نہیں کر سکے۔نوازشریف اور مریم نواز عمران خان کیلئے ڈراناخواب بن چکے ہیں۔

چالیس ترجمانوں کا ٹولہ ہردوسرے دن بنی گالہ ہدایات لینے پہنچ جاتا ہے۔نوازشریف کو بیرون ملک جانے کی اجازت حکومت نے نہیں عدالت نے دی ہے،مریم نواز بھی اس کٹھ پتلی حکومت سے بیرون ملک جانے کی اجازت طلب نہیں کرینگی،کسی بھی بیٹی کووالد کی خدمات کرنے اور تیماداری کرنے سے کوئی نہیں روک سکتا، ایک بیٹی کیلئے والد کی خدمات کرنا اولین فریضہ ہوتا ہے۔عمران نیازی سیاسی دشمنی کی بجائے ذاتی دشمنی کو فروغ دینے کا سلسلہ بند کریں۔