لاہور(این این آئی) پیپلزپارٹی کی سیکرٹری اطلاعات نفیسہ شاہ نے کہا ہے کہ خصوصی عدالت کا فیصلہ فوج کے خلاف نہیں، مشرف نے فوج کا وقار مجروح کیا، انہوں نے حلف کی خلاف ورزی کی، پیپلزپارٹی آئین اور قانون کے ساتھ کھڑی ہے۔لاہور پریس کلب میں پیپلزپارٹی کی مرکزی سیکرٹری اطلاعات نفیسہ شاہ نے سید حسن مرتضی اور بیرسٹر عامر کے ہمراہ پریس کانفرنس کرتے ہوئے کہا کہ خصوصی عدالت کا

فیصلہ افواج پاکستان کے خلاف نہیں۔ مشرف نے اپنے حلف کی خلاف ورزی کی۔نفیسہ شاہ نے کہا کہ تحریک انصاف کی حکومت کٹھ پتلی حکومت ہے۔ یہ خارجہ پالیسی معیشت سمیت ہر بات پر سودے بازی کرتی ہے.جبکہ حسن مرتضی اور بیرسٹر عامر نے کہا کہ بلاول بھٹو زرداری ہی ملک کو مشکلات سے نکال سکتے ہیں۔ پیپلزپارٹی ستائیس دسمبر سے نئے عزم کے ساتھ جدوجہد کا آغاز کرے گی۔

موضوعات:نفیسہ شاہ