اسلام آباد (مانیٹرنگ ڈیسک)خصوصی عدالت کی جانب سے پرویز مشرف کو ملنے والی سزائے موت کے فیصلے پر تحریک انصاف کے رہنما و رکن قومی اسمبلی ڈاکٹر عامر لیاقت نے اپنے ٹویٹر پر ایک پیغام جاری کیا جس میں ان کا کہنا تھا کہ مشرف صاحب کی اگر زبان کھل گئی تو ایسا پنڈورا باکس کھلے گا کہ کئی پردہ نشینوں کے پردے پھٹ جائیں گے،اگر مشرف غدار ہیں تو غدار سے حلف لینے والی گیلانی کابینہ بھی غدارحلف اٹھانے والا وزیراعظم گیلانی بھی غدار ،
یہ وہ زمانہ تھا جب نواز زرداری بھائی بھائی تھے ۔ واضح رہے کہ خصوصی عدالت نے سنگین غداری کیس میں سابق صدر جنرل (ر) پرویز مشرف کو سزائے موت کا حکم دے دیا۔وفاقی دارالحکومت میں موجود خصوصی عدالت میں پشاور ہائیکورٹ کے چیف جسٹس جسٹس وقاراحمد سیٹھ کی سربراہی سندھ ہائی کورٹ کے جسٹس نذر اکبر اور لاہور ہائیکورٹ کے جسٹس شاہد کریم پر مشتمل 3 رکنی بینچ نے سابق صدر جنرل (ر) پرویز مشرف کے خلاف سنگین غداری کیس کی سماعت کی۔
