لاہور (آن لائن) پنجاب انسٹیٹیوٹ آف کارڈیالوجی حملہ کیس میں ملوث وزیراعظم عمران خان کے بھانجے حسان نیازی کی گرفتاری لاہور پولیس کے لئے ایک چیلنج بن کر رہ گئی ہے جبکہ پولیس نے حسان نیازی کی گرفتاری کیلئے متعدد بار چھاپے مارنے کا دعویٰ کرنے کے باوجود انہیں اب تک گرفتار نہیں کیا۔ اس حوالے سے پولیس ذرائع کا کہنا ہے کہ پولیس کو اطلاعات موصول ہوئیں تھیں کہ ملزم حسان نیازی زمان پارک میں رہائش پذیر
اپنے قریبی رشتے داروں سے ملنے کیلئے آتا رہا ہے اور ان دنوں ملزم حسان نیازی اپنے ایک دوست کی رہائش گاہ پر مقیم ہیں جس نے اپنا موبائل فون بھی بند کر رکھا ہے۔ ذرائع کے مطابق پولیس نے حسان نیازی کی گرفتاری کیلئے زمان پارک میں واقع عمران خان کے قریبی رشتہ داروں کے گھر کے باہر سفید کپڑوں میں ملبوس پولیس اہلکاروں کو تعینات کردیا ہے۔ تاکہ حسان نیازی کی زمان پارک آمد پر انہیں فوری طور پر گرفتار کیا جاسکے۔
