اسلام آباد (این این آئی)اسلام آباد ہائیکورٹ نے ابرار الحق کی بطور چیئرمین پاکستان ریڈ کریسنٹ سوسائٹی تعیناتی پر حکم امتناع برقراررکھتے ہوئے سماعت بارہ دسمبر تک ملتوی کردی۔ اسلام آباد ہائی کورٹ کے چیف جسٹس اطہر من اللہ نے سابق چیئرمین کی درخواست پر سماعت کی۔ دور ان سماعت وفاق نے اسلام آباد ہائیکورٹ سے جواب جمع کرانے کے لیے مزید مہلت مانگ لی،ایڈیشنل اٹارنی جنرل طارق کھوکھر
نے جواب جمع کرانے کے لیے مزید وقت دینے کی استدعا کی ۔ عدالت نے کہاکہ 12 دسمبر سے قبل جواب جمع کرا کر ایک کاپی درخواست گزار وکیل کو دیں۔ عدالت نے اٹارنی جنرل انور منصور کو آئندہ سماعت پر عدالتی معاونت کی ہدایت کرتے ہوئے کیس کی مزید سماعت آئندہ جمعرات 12 دسمبر تک ملتوی کردی ۔عدالت نے ابرار الحق کی تعیناتی کا نوٹیفکیشن معطل کر کےسابق چیئرمین سعید الہی کو عہدے پر بحال کر رکھا ہے۔
