اسلام آباد (این این آئی) ترجمان عوامی نیشنل پارٹی زاہد خان نے کہا ہے کہ عمران خان کے اتحادی نے جنرل پاشا کی جانب سے عمران خان کی پارٹی بنانے کی ساری رو داد سنائی۔ ایک بیان میں انہوں نے کہاکہ عمران خان نے تقریر میں کہا کہ مجھے لڑنا آتا ہے، 22 سال لگا کر پارٹی کو پاوں پر کھڑا کیا،
لگتا ہے عمران خان نے پرویز الہی کا انٹرویو نہیں دیکھا،یا عمران خان کی جھوٹ بولنے کی عادت ہے، پرویز الٰہی کا انکشاف نیا نہیں، عمران خان کے اتحادی نے جنرل پاشا کی جانب سے عمران خان کی پارٹی بنانے کی ساری رو داد سنائی۔ انہوں نے کہاکہ عمران خان کو شرم آنی چاہیے، اگر یہ بیان عمران خان کچھ روز بعد دیتے تو بہتر ہوتا تاکہ پرویز الہی کے انکشافات لوگ بھول چکے ہوتے۔ انہوں نے کہاکہ بدقسمتی ہے عمران خان جھوٹ بول کر ریاست مدینہ کی بات کرتے ہیں،ساری قوم کو شرم آتی ہے کہ اتنا جھوٹا وزیر اعظم ملک کو تاریخ میں نہیں ملا،عمران خان نے سپریم کورٹ کو ڈکٹیٹ کرنے کی کوشش کی،سپریم کورٹ عمران خان کے خلاف ایکشن لے کیونکہ عمران خان نے عدلیہ کو ہدایات دینے کی کوشش کی گئی ہے۔ انہوں نے کہاکہ عمران خان کو پی ٹی وی اور پارلیمنٹ حملہ کیس کی سزا ملنی چاہیے،ہیلی کاپٹر کیس پر بھی ایکشن لیا جائے۔ انہوں نے کہاکہ غیر ملکی فنڈنگ کیس میں تاخیر کی کوشش کی جا رہی ہے،غیر ملکی فنڈنگ سے عمران خان اور انکی بہنیں ارب پتی بنے۔ انہوں نے کہاکہ غیر ملکی فنڈنگ کیس، الیکشن کمیشن میں پانچ سال سے لٹکا ہوا ہے،انصاف کا تقاضا سپریم کورٹ سے کرتے ہیں،سپریم کورٹ عمران خان کا پہلے حساب کتاب کرے۔ انہوں نے کہاکہ سپریم کورٹ الیکشن کمیشن کو ہدایت دے کہ فورن فنڈنگ کیس کا جلد فیصلہ کرے تاکہ حقائق عوام کے سامنے آئیں۔
