کوئٹہ(آن لائن)صدر مملکت ڈاکٹر عارف علوی کے دورہ کوئٹہ کے موقع پر انوکھا پروٹوکول شہر کے بیشتر شاہراہیں بند کی گئی صدر مملکت بذریعہ ہیلی کاپٹر جامعہ بلوچستان پہنچ گئے شہر میں سڑکیں بند ہونے کے باعث شدید سردی میں اسکول کے بچوں اور مریضوں کو شدید مشکلات کا سامنا کرنا پڑا
جب صدر مملکت ہیلی کاپٹر پر ہی پہنچنا تھا توسڑکیں کیوں بند کی گئی تھی شہریوں کا احتجاج ایئر پورٹ روڈ اور عالمو ں چوک پر دکانیں صبح سے شام بند رہی تفصیلات کے مطابق صدر مملکت ڈاکٹر عارف علوی ایک روزہ دورے پر کوئٹہ پہنچے اس موقع پر کوئٹہ شہر میں سخت سیکورٹی انتظامات کئے گئے تھے صدر مملکت کی آمد کے موقع پر انوکھا پروٹوکول دیکھنے میں آیا شہر کی بیشتر شاہراہیں بندہونے کے باعث شدید سردی میں اسکول کے بچوں،مریضوں اور خواتین کو شدید مشکلات کا سامنا کرنا پڑا بلیلی،نواں کلی اور سمنگلی روڈ سے آنے والے بسوں کو کوئلہ پھاٹک پر روک دیا جبکہ سریاب روڈ،ہزار گنجی اور دیگر علاقوں سے آنے والے بسوں کو شہر میں آنے کی اجازت نہیں دی گئی جس کی وجہ سے شہریوں نے پیدل سفر کیا صدر مملکت کوئٹہ پہنچنے کے بعد کوئٹہ ایئر پورٹ سے بذریعہ ہیلی کاپٹر جامعہ بلوچستان پہنچ گئے اور ایکسپو صنعتی زون کاافتتاح کیاگیا اس موقع پر گورنر بلوچستان امان اللہ یاسین زئی،وزیراعلیٰ بلوچستان میر جام کمال،صوبائی وزراء اراکین صوبائی اسمبلی سمیت دیگر اعلیٰ حکام بھی موجود تھے شہریوں کا کہنا تھا کہ جب صدر مملکت ہیلی کاپٹر پر ہی بلوچستان اسمبلی پہنچنا تھا تو سڑکیں کیوں بند کی گئی بلوچستان ہائیکورٹ اس کا نوٹس لے۔
