لاہور( این این آئی) وزیراعظم عمران خان کے دورہ امریکہ وزیر اعظم عمران خان کے دورہ ثمرات آنا شروع ہوگئے ،پی آئی اے کی امریکہ کے لئے براہ راست پروازیں شروع کرنے کیلئے تیاریاں آخری مراحل میں داخل ہو گئیں ۔ نجی ٹی وی کے مطابق پی آئی اے آئندہ سال اپریل سے امریکہ کے لئے براہ راست پروازیں شروع کرے گی اوراس کے لئے باقاعدہ طورپر اجازت طلب کرلی گئی ہے ،۔پی آئی اے امریکہ کیلئے براہ راست پروازوں کے لئے اپنے

لانگ رینج بوئنگ 777طیارے آپریٹ کرے گا۔ امریکہ کی ہوم لینڈ سکیورٹی پاکستان کا دورہ کرچکی ہے،امریکی ٹرانسپورٹ سکیورٹی اتھارٹی نے اسلام آباد اورکراچی ایئرپورٹ پر سکیورٹی اور طیاروں سے متعلق آڈٹ بھی کر کے گئی ہے اور اس کی جانب سے سکیورٹی انتظامات پر اطمینان کا اظہار کیا گیا تھا۔ نجی ٹی وی کے مطابق پی آئی اے نے امریکہ کیلئے براہ راست پروازوں کیلئے اسلام آباد،لاہور اور کراچی کیلئے باقاعدہ طور پر اجازت مانگی ہے۔

موضوعات:عمران خان