اسلام آباد(مانیٹرنگ ڈیسک)معمر امریکی خاتون کو پاکستان میں داخل ہونے سے پر روکنے اور ڈی پورٹ کرنے کی کوشش کی گئی تو وہ احتجاجاً اسلام آباد ائیرپورٹ کے فرش پر لیٹ گئی۔میڈیا رپورٹس کے مطابق واشنگٹن سے تعلق رکھنے والی 70 سالہ مرے ماڈ مانچسٹر سے پی آئی اے کی پرواز سے اسلام آباد ائیرپورٹ پر پہنچی تھیں۔اس خاتون کو پاکستان میں حکام نے مبینہ طور پر بلیک لسٹ کیا ہوا تھا اور اس وجہ سے ائیرپورٹ کے عملے نے انہیں ڈی پورٹ کرنے

کی کوشش کی تو مرے ماڈ نے چیخنا شروع کردیا اور احتجاج کرتے ہوئے فرش پر لیٹ گئیں۔سوشل میڈیا پر وہیل چیئر پر سوار اس خاتون کی تصاویر بھی گردش کرتی رہیں۔یہ واضح نہیں کہ اس خاتون پر پاکستان میں داخلے پر پابندی کیوں ہے اور بلیک لسٹ کیوں کیا گیا، تاہم اسلام آباد میں امریکی سفارتخانے سے رابطہ کرکے معاملہ حل کرنے کا کہا گیا۔اس موقع پر وفاقی تحقیقاتی ادارے کا کہنا تھا کہ یہ خاتون اسلام آباد ائیرپورٹ پر ویزے کے بغیر پہنچ گئی تھی۔