اسلام آباد(سی پی پی) جمعیت علماء اسلام(جے یو آئی) کے رہنما مفتی کفایت اللہ نے دھمکی دی ہے کہ مطالبات نہ مانے گئے تو احتجاج ملک بھر میں پھیل سکتا ہے۔نجی ٹی وی سے گفتگو کرتے ہوئے مفتی کفایت اللہ نے اس سلسلے میں مختلف آپشنز بتا دیئے۔انہوں نے کہا کہ تمام اپوزیشن جماعتیں مستعفی ہو جائیں تو نئے انتخابات ہو سکتے ہیں، ملک بھر میں لاک ڈائون

کیا جا سکتا ہے۔مفتی کفایت اللہ نے مزید کہا ہے کہ شاہراہیں بند ہوں گی، کاروبار ٹھپ ہو گا تو حکمران مجبور ہو جائیں گے، ڈی چوک جانے کی تجویز بھی زیرِ غور ہے۔انہوں نے یہ بھی کہا کہ ملک کو بحران سے نکالنے کے لیے چوہدری برادران ہی مثبت کردار ادا کر سکتے ہیں، حکومت مذاکرات میں سنجیدہ ہے تو ہم اس کے لیے بھی تیار ہیں۔