اسلام آباد(مانیٹرنگ ڈیسک)پنجاب کے شہررحیم یار خان کے قبرستان میں زمیندار کی قبروں کے پاس تدفین پر مسئلہ کھڑا ہو گیا جس کے بعد خاتون کی لاش قبر سے باہر نکال دی گئی۔میڈیا رپورٹس کے مطابق رحیم یارخان میں زمینداروں کی قبروں کے پاس تدفین کرنے پر بااثر افراد نے
خاتون کی لاش قبر سے باہر نکال دی اور حملہ کر کے متوفیہ کے 3 لواحقین کو زخمی کر دیا۔پولیس نے مقدمہ درج کر کے 2 ملزمان کو گرفتار کر لیا، جبکہ خاتون کی تدفین دوبارہ کروا دی گئی ۔واقعے کے تینوں زخمیوں کو مقامی ہسپتال میں طبی امداد دی گئی،جن کی حالت اب بہتر ہے۔
