اسلام آباد(نیوزڈیسک)سابق وزیراعظم نوازشریف کی روانگی کی تیاریاںمکمل، ایمبولینس لینے کیلئے پہنچ گئی، سروسز ہسپتال سے ڈسچارج کردیاگیا، تفصیلات کے مطابق سابق وزیراعظم نوازشریف کی روانگی کی تیاریاںمکمل، ایمبولینس لینے کیلئے پہنچ گئی،

سروسز ہسپتال سے ڈسچارج کردیاگیا ہے ، نجی ٹی وی کے مطابق سابق وزیراعظم نوازشریف ضمانت پر رہائی کے بعد اب اپنے بارے میں خود فیصلہ کرنے کے مجاز ہوگئے ہیں اور شریف میڈیکل کمپلیکس کی ایمبولینس سروسز ہسپتال پہنچ گئی ہے، آج انہیں سروسز ہسپتال سے کہاں منتقل کیاجائے گا؟ اس بارے میں ذرائع کا کہناہے کہ نوازشریف کو کچھ ہی دیر میں لاہور کے سروسز ہسپتال سے شریف میڈیکل سٹی منتقل کیاجارہاہے اور اس سلسلے میں شریف میڈیکل سٹی میں تمام انتظامات مکمل کرلئے گئے ہیں، اگر ڈاکٹرز نے اجازت دے دی تو انہیں یہاں سے شریف میڈیکل ہسپتال لے جایاجائے گا۔میڈیکل بورڈ کے ذرائع سے معلوم ہوا ہے کہ نوازشریف کی حالت تسلی بخش نہیں ہے اور ان کو ہسپتال سے منتقلی پر اب بھی خدشات موجود ہیں تاہم نجی ٹی وی کے ذرائع کا کہنا ہے کہ نوازشریف کو ہسپتال سے ڈسچارج کردیاگیا ہے اور آج انہیں شریف میڈیکل ہسپتال منتقل کئے جانے کا قوی امکان ہے۔