اسلام آباد (نیوز ڈیسک) پاکستان مسلم لیگ (ن) کے رہنما احسن اقبال کو مطمئن کرپٹ قرار دے دیا گیا، انہیں یہ خطاب شہباز گل نے اپنے ایک ٹویٹ میں دیا، تحریک انصاف کے رہنما و پنجاب حکومت سابق ترجمان شہباز گل نے ٹویٹ میں کہا کہ عمران خان آپ کی طرح خود یا رشتہ داروں سے منصوبے نہیں کرتا بلکہ پاکستان کی ریاست کے اداروں سے کرواتا ہے، آپ تو خود کرتے تھے اور مبینہ طور پر ہر چیز میں کرپشن اور کمیشن کے کھابے جیسے کہ آپ کے بھائی نے لاہور میں

کھجور کا ایک ایک پودا ایک ایک لاکھ میں سرکار کو بیچا، آپ مطمئن کرپٹ ہیں۔ واضح رہے کہ وزیراعظم عمران خان نے کرتارپور راہداری کی تکمیل پر اپنی حکومت کو مبارک باد دی، جس پر احسن اقبال نے تنقید کرتے ہوئے ٹویٹ کیا کہ کسی مغالطہ میں نہ رہیں آپ کی حکومت کرتی تو اس کا حشر بھی بی آر ٹی پشاور جیسا حشر ہوتا یہ منصوبہ اوّل تا آخر ایف ڈبلیو او (FWO) نے کیا ہے۔ احسن اقبال کے اس ٹویٹ کے جواب میں شہباز گل نے انہیں تنقید کا نشانہ بنایا۔