کراچی (این این آئی) پی آئی اے کی پروازPK758 کے ذریعے لندن سے سکھ یاتروں کا 178 افراد پر مشتمل پہلا جتھہ لاہور پہنچ گیا۔ پی آئی اے کی جانب سے لاہور ایئر پورٹ پر یاتریوں کے لئے خصوصی انتظامات کئے گئے تھے۔ پی آئی اے کے سٹیشن مینیجر علی اصغر زیدی اور مینیجر تعلقات عامہ پی آئی اے لاہور،  اطہراعوان  اور  دیگر افسران نے  یاتریوں کا استقبال کیا اور لاہور ائر پورٹ آمد پر ان کوپی آئی اے کی جانب سے پھول

اور مشروبات پیش کئے گئے۔ لندن اور لاہور ائر پورٹ پر پی آئی اے کی جانب سے یاتریوں کو آرام دہ سفری سہولتوں کی فراہمی کے لئے خصوصی اقدامات کئے گئے اور خصوصی ٹیمیں سہولیات فراہم کرنے کے لئے موجود تھیں جبکہ دوران پرواز یاتریوں کو ان کی پسند کے کھانے بھی فراہم کئے گئے۔ ترجمان پی آئی اے نے بتایاکہ اگلے چند روز میں تقریباً 5 سو سکھ یاتری پی آئی اے کی پروازوں کی ذریعے لندن سے لاہور پہنچیں گے۔

موضوعات:سکھ یاتری