اسلام آباد (مانیٹرنگ ڈیسک)تحریک انصاف کے سینئر رہنما عثمان ڈار نے دعویٰ کیا ہے کہ مولانا فضل الرحمان نے آزادی مارچ کے نام پر لوگوں سے 1ارب تیرہ کروڑ روپے کا چندہ اکٹھا کیا ہے ۔ آزادی مارچ کے شرکاء دراصل مارچ کی آڑ میں اسلام آباد کی سیر کیلئے آئے ہیں ۔ پی ٹی آئی رہنما کا کہنا تھا کہ اپوزیشن کا منشور عوام نہیں ہے ، عوام کنفیوز ہے کیا ہوا ۔ مولانا فضل الرحمان کشمیر ایشو کو نقصان پہنچا کر اپنے مقصد میں

کامیاب ہو گئے ہیں ۔ عثمان ڈار نے مولانا فضل الرحمان کے آزادی مارچ اور 2014 کے دھرنے کے موازنے پر مبنی سوال پر کہا کہ تحریک انصاف نے 15 ماہ تک عدالت اور پارلیمنٹ سمیت ہر فورم استعمال کیا اس کے بعد احتجاج کیلئے باہر نکلی۔دوسری جانب مولانا فضل الرحمان نے حکومت کو دھمکی دیتے ہوئے کہا ہے کہ عمران خان تمہاری حکومت ختم ہو چکی اب ہم حکومت کریں گے اور تمہیں بنی گالہ سے ہم خود گرفتار کریں گے ۔