اسلام آباد(این این آئی)جمعیت علمائے اسلام (ف) کی قیادت میں ہونے والے آزادی مارچ کے شرکاء نے جلسہ گاہ کے اطراف اسٹریٹ لائیٹس اور انٹرنیٹ سروس کی بندش کے خلاف مارچ کرنے کی دھمکی دے دی ہے۔جے یو آئی ف کے رہنما راشد محمود سومرو نے ایک بیان میں کہا کہ اسلام آباد انتظامیہ نے جلسہ گاہ کے اطراف اسٹریٹ لائیٹس اور انٹرنیٹ سروس بند کردی ہے۔ انہوں نے کہا کہ اسٹریٹ لائیٹس اور انٹرنیٹ سروس بحال نہ کی گئی تو جلسہ گاہ سے باہر
نکل کر مارچ کریں گے۔راشد محمود نے کہا کہ ڈپٹی کمشنر اسلام آباد حمزہ شفقات حزب اختلاف کی جماعتوں سے کیے گئے معاہدے کی پاسداری کریں اور جلسہ گاہ کے اطراف میں انٹرنیٹ سروس بحال کروائیں۔انہوں نے کہا کہ اگر اسٹریٹ لائیٹس نہ کھولی گئیں تو اسٹریٹ لائیٹس کے پولز کی طرف مارچ کریں گے۔ انہوں نے کہاکہ اسٹریٹ لائٹس بند ہونے سے جلسہ گاہ میں اندھیرا چھایا ہوا ہے اور آزادی مارچ کے شرکاء کو نقل و حمل میں دشواری پیش آرہی ہے۔
