اسلام آباد (این این آئی)الیکشن کمیشن نے خیبر پختونخواہ کی سینیٹ کی جنرل نشست پر انتخاب کا شیڈول جاری کر دیا۔الیکشن کمیشن کی جانب سے جاری بیان کے مطابق خیبرپختونخوا کی سینیٹ کی جنرل نشست پر انتخاب کا شیڈول جاری کر دیاگیا ہے،امیدوار 8 نومبر کو جنرل نشست کے لئے کاغذات نامزدگی جمع کرا سکیں گے۔ نامزدگی فارم کی جانچ پڑتال کا عمل 12 نومبر کو مکمل ہو گی۔

الیکشن کمیشن کے مطابق کاغذات نامزدگی کی منظوری یا مسترد ہونے کے خلاف اپیلیں 14 نومبر کو دائر کی جا سکیں گی، 16 نومبر کو ٹریبونل دائر اپیلوں کو نمٹائے گی۔بیان کے مطابق امیدواروں کی نظر ثانی شدہ فہرست 18 نومبر کو آویزاں کی جائیگی۔ بیان کے مطابق امیدوار 19 نومبر کو اپنے کاغذات واپس لے سکیں گے،سینیٹ کی جنرل نشست پر پولنگ 26 نومبر کو ہو گی۔