اسلام آباد (این این آئی)وفاقی وزیر برائے سائنس و ٹیکنالوجی فواد چوہدری نے اعلان کیا ہے کہ اب پاکستان میں بسیں بھی بیٹری پرچلیں گی۔وفاقی وزیر برائے سائنس و ٹیکنالوجی فواد چوہدری نے ٹوئٹر پر اپنے بیان میں انہوں نے کہا کہ دنیا کی دو بڑی کمپنیاں سولر پینل بنانے کے پلانٹس پاکستان میں لگا رہی ہیں۔ملک میں جاری سیاسی چہل پہل کے تناظر
کو مدّ نظر رکھتے ہوئے انہوں نے کہا کہ سیاسی تماش بینی میں اچھی خبریں تو کھو جاتی ہیں پھر بھی مجھے بہت خوشی ہے کہ چین کی بیٹری بنانے والی دوسری بڑی کمپنی پاکستان میں لیتھیم بیٹری بنانے کا کارخانہ لگائے گی۔انہوں نے کہا کہ چینی کمپنی کے لیتھیم بیٹری بنانے کا کارخانہ لگا نے کے بعد اب ملک میں بسیں بھی بیٹری سے چلیں گی۔
